Cagayan de Oro: Governor Bambi kinasing-kasing nga mapasalamaton sa mitabang, mitambong ug misuporta sa BBM-Sara grand rally

0
225

Kinasing-kasing ang pagyukbo ug pagpasalamat ni Gobernador Bambi Emano sa pwersa sa kapulisan, kasundalohan, kabomberohan, traffic enforcers, working committee, volunteers, mayores, kapitanes ug tanan katawhan nga dako kaayo og kabahin sa kalamposan sa grand rally nila umalabot Presidente sa nasud sa Pilipinas Bongbong Marcos ug Bise Presidente Inday Sara Duterte diha sa Pelaez Sports Center, niadtong adlawng Martes Abril 26, 2022.

Visit RPN DXKO Cagayan de Oro

Sa record sa kapulisan sobra sa 150,000 ka tao ang mitambong sa BBM-SARA grand rally nga maoy pinakadaghang tao nga mitambong sa kasaysayan sa political rally ning panahon sa election dinhi sa dakbayan sa Cagayan de Oro ug ang pwersa sa pagtinabanga maoy rason nganong nagmalamluson, nagmabungahon ug  nagmalinawon ang dakong kalihokan.

Si Governor Bambi kinsa Chairman sa partido Padayon Pilipino nga maoy nagsilbing organizer sa dakong kalihokan mapasalamaton sa tanan mitabang, mitambong ug misuporta.

Kinasing-kasing nga pasalamat ngadto kang  Police Regional Office 10 Regional Director PBGen. Benjamin Acorda Jr sa pagdeploy og 600 ka pwersa sa kapulisan gikan sa Misamis Oriental Provincial Police Office pagpanguna ni Police Col. Raniel Valones ug Cagayan de Oro City Police Office sa pagpanguna ni Police Col Aaron Mandia ug mga Special Unit.

Lakip sa gipasalamatan ang pwersa sa Bureau of Fire Protection, Roads and Traffic Administration, Health/Medical Team, Parking Personnel, Technical Team, Food Committee, Security Personnel, pwersa sa Media, Program Committee, Clean and Green ug daghan pang uban.

Nakahatag sab og dakong kabahin sa kalampusan ang presensya sa mga Board Members, Kongresista, Mayores, Kapitanes, Kagawad ug tanang katawhan nga hugot ang suporta nga makab-ot sa BBM-SARA tandem ang dalan sa kadaogan.

(Source: PIO-MisOr)

Leave a Reply