Lumagda ng kasunduan ang Department of Trade and Industry (DTI) Region 5 at Social Security System (SSS) Legazpi hinggil sa pag-cover ng SSS sa mga Job Order (JO) at Contract of Service (COS) personnel ng ahensya bilang self-employed members.
Pinangunahan ang MOA signing at paglulunsad ng KaltaSSS-Collect Program nina Vice President of SSS Luzon Bicol Division Elenita S. Samblero, SSS Branch Head II Jogar B. Tosoc at DTI Bicol Chief Administrative Officer Angela Glenda B. Millano.
Sa ilalim ng kasunduan, ang mga empleyado ng DTI Bicol partikular na ang mga COS at JOs na hindi sakop ng Government Service Insurance System (GSIS) Law ay magiging miyembro ng SSS bilang self-employed members.
Sa tulong ng KaltaSSS-Collect Program makakapag-avail at makakapag-secure na ang mga COS at JO employees ng DTI Bicol ng mga benepisyo na ibinibigay ng SSS.
(Source: SSS Legazpi)