Nangandam na ang City Sports Commission ubos ni OIC City Sports Coordinator Romarey B. Gorro alang sa subling pagpahigayon sa City Hall Inter-Department Sportsfest karong bulan sa Oktubre ning tuig.
Gani, mitambong sa usa ka panagtigom ang mga office sports coordinators aron hisgotan ang preparasyon kalabot sa sportsfest nga ipahigayon matag adlaw’ng Martes, Biyernes ug Sabado kada semana.
Nasayran nga lakip sa mga dula nga salmotan sa mga empleyado sa city hall mao ang basketball, volleyball, table tennis, badminton, bowling, darts ug chess.
Ang matag tuig nga city hall sportsfest kabahin sa physical fitness program sa syudad aron makabaton sa kahimsog ug kalagsik sa panglawas ang mga kawani sa syudad samtang nangalagad sa katawhan.
(Source: CIO- Cagayan de Oro)