NAGPASALAMAT si El Salvador City Mayor Edgar Lignes kang Governor Peter “Sr Pedro” Unabia sa pag pili sa El Salvador city nga venue sa mga dagkong kalihokan sa lalawigan.
Gikalipay ni Mayor Lignes ang pagpahigayon sa iyang siyudad sa 15th Misamis Oriental Fire Olympics, Barangay Population Volunteers General Assembly 2022, ug ang Search for Miss Kuyamis 2023 Swimsuit Competition.
Gidugang ni Mayor Lignes nga dako og tabang sa El Salvador ang mga kalihokan aron nga mapasundayag ang turismo sa ilang syudad.
Usa lamang kini nga kalihokan sa gobernador nga mapahi-usa ang tibuok Misamis Oriental sa walay bulok sa pulitika aron nga mas molambo pa ang lalawigan ubos sa PAGLAUM strategic direction.
(Source: Misamis Oriental Provincial Information Office Facebook page)