33.8 C
Manila
Friday, March 29, 2024

Cagayan de Oro: Dul-An P10-Milyon Nga Honoraria Alang Sa Mga BHW Gitunol Na

- Advertisement -

Hingpit nang gitunol sa kagamhanang probinsya sa Misamis Oriental ang dul-an ₱ 10 milyones kon ₱ 9,900,000 nga annual honoraria alang sa tanang Barangay Health Workers sa Misamis Oriental.

Dako ang kalipay sa mokabat 3,300 ka mga BHWs nga madawat ang ilang honoraria nga dako og tabang sa ilang tagsa tagsa ka pamilya.

Atol sa senimanang pagpakayab sa nasudnong bandila niadtong Oktubre 11, 2021 nahitabo ang ceremonial turn-over sa tseke sa nasangpit nga kantidad.

Si Board Member Nancy Madjos nga mao ang Chairwoman sa Committee on Health mitestimonya sa katumanan sa increase sa paghatag honoraria ngadto sa BHWs  sukad milingkod si Gobernador Bambi Emano nga gikan sa ₱ 2,000 pa lang kaniadto mitaas ngadto sa ₱ 2,500 ug karon hingpit na nahimong tag- ₱ 3,000 ang madawat sa matag BHW kada tuig.

“Gipadala ni Governor Bambi ang mga BHW out of his love for his people diri sa atong probinsya sa Misamis Oriental. Ako gapanghinaot nga makalipay na kini sa atong mga BHW ug makadugang sa ilang pagpaningkamot alang sa pagtabang ug pag-protektar sa panlawas sa katawhan sa Misamis Oriental,” sulti ni BM Madjos.

Ning panahona kasamtangan nang gipahigayon ang series of distribution sa honoraria kung asa ang mga nagpaluyo mismo mao ang pwersa sa PHO sa pagpanguna ni Ms. Jocelyn del Rosario isip Provincial BHW Coordinator nga kanunay gisiguro ang pagsunod sa safety health protocols subay sa pagbatok sa CoVid-19.

Samtang mihatag og mensahe pasalamat si Ms. Josephine Quinquiño nga mao ang BHW President sa lungsod sa Tagoloan nga tungod sa kaayo sa liderato ni Gobernador Bambi naabagan gayod sila sa kalisod ug samot nagmahinungdanon ang ilang panerbisyo sulod sa mga katuigan.

“Minahal namong Gobernador, ang pwersa sa Barangay Health Workers sa Misamis Oriental kinasing-kasing nga nagpasalamat sa honorarium nga among nadawat ug kini Gov. among gikalipay kanamong mga boluntaryo. Daghang salamat ug mabuhay,” matud ni Ms. Quinquiño.

Alang kang Gobernador Bambi angayan lamang nga ulian sa ilang kahago ang mga BHWs nga nahimong taytayan sa pagpaabot sa mga programa ngadto sa tibuok lalawigan ug bisan niining gamay nga kantidad, padayon silang manerbisyo sa ligdong ug tiunay nga paaagi. (Rejiann Ammor R. Maygay) 

(Source: Misamis Oriental Provincial Information Office Facebook page, photo courtesy by Marvin Gilig)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -