Mobisita karong Marso 7 dinhi sa dakbayan sa Cagayan de Oro ang mga kadagkoan sa Tebow Cure Hospital, usa ka specialized hospital nga nahimutang sa Agdao, Davao City, aron pag-assess sa mga kabataan nga adunay deperensya sa panglawas ug mapailawom sa usa ka ‘sponsored operation’ sa maong ospital.
Ang operasyon nga gitanyag sa maong ospital gilangkoban sa cleft lip (bungi), cleft palate (gisi sa ngala-ngala), clubfoot (mga tiil nga hiwi og porma), bowed legs (mga batiis nga bakang ang porma), knock knees (mga batiis nga kimpi ang porma), limb deformities (mga depormidad sa kamot ug tiil), broken bones (mga bali nga bukog), Hernia ug uban pa.
Alang sa mga interesado, mahimong motawag sa buhatan sa City Social Welfare and Development Department sa numero 09126855630 o mag-message sa ilang fb page: Oro City Social Welfare and Development.
(Source: CIO – CDO, infographic courtesy by Jhon Carl Balanza)