Gipasalig ni Iligan City Lone District Representative ug Mayor-elect Frederick Siao nga way angay kabalak-an sa mga byahero ang pag-agi sa mga dalan sa Cagayan de Oro ug Marawi agi sa dakbayan sa Iligan kon security and safety ang hisgutan.
Ang maong pamahayag giluwatan sa maong opisyal tapos sa sunod-sunod nga pangutana kaniya labot na sa luwas nga kahimtang sa mga turista kon ang pulo sa Mindanao mobukas na alang sa turismo.
Gipasabot ni Siao nga ang gikabalak-ang police checkpoints sa kadalanan sa nasangpit nga ang lugar kabahin lamang sa ordinaryong routine sa Philippine National Police ug dili sabtan nga kini gipahimutang tungod kay adunay hulga sa seguridad. Matud niya, ang mga biyahidor nga moagi sa iligan way angay kabalak-an sa ilang seguridad.
Dugang pa ni Siao nga welcome kaayo ang turista sa nahisgutang mga dapit sa Mindanao ug iyang gipasabot nga ang pagdagsa sa mga turista, dakong impact sa tinguha alang sa pagkab-ot sa kalinaw sa maong lugar.
(Source: Philippine Information Agency)