Anaa na sa halos “comfortable level” ang mga kaso sa COVID 19 nga natala sa Cagayan de Oro pinaagi sa hugot nga pakigbatok sa adminstrayon ni Mayor Oscar Moreno kauban ang Emergency Operation Center, front liners ug kooperasyon sa katawhan.
Basi sa datos sa City Health Office, anaa na lamang sa low risk level ang 2 Week Growth Rate (2WGR) nga -80% ug health care utilization rate sa syudad nga 21.02% ug ubos na sa threshold level nga anaa sa 30%.
Samtang ang average daily attack rate (ADAR) nga 6.79 anaa na lamang usab sa moderate risk.
Busa, bisan pa man og malaumon ang syudad nga mas ipaubos pa ang kasamtangang alert level 2 niini, nanghinaot ang mayor ug EOC nga sundon gihapon kanunay ang minimum public health standards.
Nasasyran nga gitun-an na sa National IATF ang pagpaubos sa NCR ug ubang lugar sa nasud sa new normal condition tungod sa padayong pag-ubos sa kaso sa COVID 19 dili lamang sa Pilipinas apan sa tibuok kalibutan.
(Source: CIO | Cagayan de Oro City Philippines Facebook page)
