Gipahigayon sa Godod Municipal Police Station ang school visitation ug dialogue sa mga estudyante ug teachers sa Rambon Elementary School, Guisapong Elementary School ug Sarawagan Elementary School sa Godod, Zamboanga del Norte, ubos sa pagpangulo ni PCPT Harley June B. Mejorada, Officer-in-Charge.
Gihisgutan atol sa maong pagbisita ang mga butang nga may kalabotan sa safety, security ug protection sa mga estudyante, lakip ang importansya sa kooperasyon tali sa kapulisan, eskwelahan, ginikanan, mga estudyante ug komunidad.
Nakig-istorya usab ang mga police personnel sa mga estudyante ug teachers aron mapalig-on ang koordinasyon ug mas mapalambo ang luwas nga learning environment sulod sa mga eskwelahan.
Pinaagi sa padayong school visitation ug dialogue, gipakita sa PNP Godod ang ilang commitment sa pagpalig-on sa police-community partnership ug pagpanalipod sa seguridad ug kaayohan sa mga estudyante.(JENIFFER JR. DELICA)
Source: PNP Godod Municipal Police Station, ZNPPO