Gipanghatag sa LGU Gutalac ang 71,400 kilos nga bugas ngadto sa 7,140 ka benepisyaryo ubos sa LGSF-FALGU 2026 Rice Distribution Program nga gipahigayon niadtong nilabay nga mga adlaw.
Nakakuha og 10 kilos nga bugas ang matag benepisyaryo isip suporta sa mga Gutalacnon ubos sa maong programa nga gipatuman sa LGU Gutalac ubos sa pagpangulo ni Municipal Mayor Eddie Justin T. Quimbo.
Gipasiugda sa lokal nga panggamhanan nga ang programa kabahin sa padayong paghatag og serbisyo ug mga programa nga makatabang sa mga residente sa Gutalac.
Gipahayag usab sa LGU Gutalac nga padayon silang mangita og mga pamaagi ug oportunidad aron mapalapad pa ang mga programa nga makatabang sa mas daghang Gutalacnon.(JENIFFER JR. DELICA)
Source: LGU Gutalac- Public Information