31.9 C
Manila
Thursday, March 28, 2024

Cagayan de Oro: Christmas lighting ceremony sa kapitoly probinsyal opisyal nga gipahigayon

- Advertisement -

GIPANGANDAMAN sa panggamhanan sa lalawigan ang selebrasyon sa kapaskohan pinaagi sa pagbutang og mga christmas lights, lantern ug decoration nga gipahigayon niadtong adlawng Biyernes, sa Capitol Park sa Kapitolyo Probinsyal.

Ang pagpangandam niini gipangunahan sa Provincial Tourism Office sa pagpangulo ni Atty. Jeffrey Saclot.

Pormal ug opisyal na nga buksan sa publiko ang Provincial Capitol Park ug dungan sa pag-abli sab sa Misamis Oriental Provincial Capitol Park Christmas Festivities.

Ang mga buhatan sa Kapitolyo Probinsyal misalmot ug gibahin sa lima ka cluster aron maoy mosangka sa Provincial Capitol Park Christmas Lights and Décor Contest kon diin pilian ang pinakanindot nga dekorasyon nga ipahigayon dungan sa seremonya sa adlawng Biyernes samtang ang ikaduhang paghukom ipahigayon karong umalabot adlawng Huwebes, Disyembre 16, 2021.

Walay lakip niini ang mga empleyado sa Provincial Health Office ug Provincial Disaster Risk Reduction Management Office.

Lakip niana, layon ni Gobernador Bambi Emano nga makahatag og pangitaan ug panginabuhian ang katawhan pinaagi sa pagtugot sa mga negosyante nga mamaligya sulod sa hawanan sama na lamang sa mga pre-loved items, pagkaon ug uban pa.

Nagkalain-laing aktibidades ang gitakda nga ipahigayon kung asa gipangandaman og lakip ang pagsiguro nga ang pagtuman sa mga minimum health protocols padayun nga masunod aron makalikay nga mataptan sa virus ang katilingban.

Matag tuig ginabuhat kini isip paghatag og kahayag ug kaanindot sa hawanan sa Kapitolyo ug aron mabati sa katawhan ang panahon sa kapaskuhan nga giila nga panahon sa panaghigugmaay, pakigdait, ug paglaum sa tanang katawhan.

Tumong sa amahan sa lalawigan Gobernador Bambi Emano nga mabati sa tanang Misamisnon ang diwa sa kapaskohan nga taliwala sa unos nga dala sa pandemya sa probinsya, aduna gihapo’y luna sa pagmaya bisan paman sa simple nga pamaagi aron makahupay man lang sa kangitngit sa kagahapon nga hatod sa Covid-19 ug pinaagi niini maghatag og kahayag ug kalipay sa mga sumasaksi. (PIO)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -