Cagayan de Oro City – Pormal na nga milingkod isip Arsobispo sa syudad sa Cagayan de Oro si Bishop Jose Cabantan subay sa tahas nga gihatag kaniya ni Pope Francis.
Sa installation nga gihimo karong bag-o, gisugilon ni Cabantan nga dako kaayong hagit sa iyang katudluan isip arsobispo ang panghitabo niining coronavirus disease nga nakaapektar sa kinabuhi sa katawhan.
Alayon sa maong sitwasyon, gibutyag sa bag-ong arsobispo nga kanunay abli ang simbahan agi’g pagtambayayong ngadto kang City Mayor Oscar Moreno sa Cagayan de Oro, Gov. Bambi Emano sa probinsya sa Misamis Oriental ug Camiguin Gov. JJ Romualdo alang sa katilingbanong mga obligasyon.
Nanghangyo usab siya sa tanang lumilihok sa simbahan nga kuyugan siya kanunay aron mapasayon ang pagtunol sa unsa mang angay ihatag ngadto sa Krisohanong Katilingban. (City Information Office)