29.5 C
Manila
Friday, March 29, 2024

Cagayan de Oro: Annabelle Mae Mcdonnell sa naawan gikoronahan nga Miss Kuyamis 2022

- Advertisement -

Beauty and brain ang nagbaha nga paghulagway ug komento sa pagdaog ni Annabelle Mae McDonnell nga kandidata gikan sa lungsod sa Naawan human naangkon niini ang gikaintapang titulo ug maoy nakoronahan nga Miss Kuyamis 2022 niadtong Enero 13.

Visit RPN DXKO Cagayan de Oro

Ang coronation night sa prestihiyosong beauty pageant sa lalawigan sa Misamis Oriental gipahihayon sa Gingoog City Gymnasium.

Garbo sa tibuok Misamis Oriental ang dalang dungog sa iyang pagdaog nga nahipatik sa katawhan ang iyang tubag sa Top 5 final question nga: “As Miss Kuyamis and Tourism Ambassadress of Misamis Oriental, what is your message to those working in the Tourism industry who have been adversely affected by the CoVid-19 pandemic?”

Ang tubag niini nga maoy nahimong dalan sa iyang kadaogan: “Nationally and internationally, we have been faced with so many challenges from the moral accountability of vaccine inequity to the inequalities across our healthcare. However, tourism in Misamis Oriental has always been inclusive and that is what is making Misamis Oriental’s industry a crowning glory for the province. And I would congratulate the Tourism industry for you have reassured job stability and morale in spite of the pandemic, because your Miss Kuyamis 2022 knows that inclusivity and knowing that it’s more than the scenic beaches, but it’s about the eyes of our farmers and the faces of our indigenous communities that what’s important. And I believe that I am her. Thank you.”

Gawas sa pagsakmit sa gikahinamang korona miuli sab si Ms. McDonnell og Minor Award nga Best in Closed-door Panel Interview ug duha ka Corporate Awards nga Miss Amaya View ug Miss Pearl Body Touch Facial Center.

Samtang ang laing mga kandidata nga nipasok sa Top 5 mao sila Ms. Jimema Tempra sa lungsod sa Jasaan nga nahimong 1st- runner up ug maoy nakasakmit sa award nga Best in Swimsuit.

Si Vanessa Dulay gikan sa Manticao ang 2nd- runner up, Ms. Ms. Nice Lampad sa Sugbongcogon ang 3rd- runner up, ug 4th- runner up si Ms. Natazha Vea Bautista gikan sa lungsod sa Villanueva ug midaog isip Best in Kuyamis-Inspired Cocktail Attire.

Alang sa Special Awards nahimong Miss Photogenic si Shirly York Galupo sa Gingoog City ug nahimong Miss Congeniality si Roshana May Bardelao gikan sa Magsaysay.

Laing giila nga mga Corporate Awards mao sila Kim Jazryl Acosta sa Lugait isip Miss Globe ug Miss Le Rouge Salon & Spa si Ma. Reshia Mae Go gikan sa lungsod sa Lagonglong.

Dako ang pahiyom sa mga judges gikan sa pagsugod pa lang sa kalihukan paingon ngadto sa mismong koronasyon hilabina ni Gobernador Bambi Emano nga mitambong niadtong gabhiona nga dako kaayo ang  kalipay sa pagsaksi sa gipasigarbong mga Tourism ambassadress sa tibuok lalawigan.

Samot nga nakapa-excite sa mga pageant fans ang karisma sa celebrity host nga si Mr. Marco Gumabao uban si Miss Kuyamis 2019 Chella Grace Falconer.

Bisan pa man nga limitado lamang ang nakasaksi sa aktwal, gidagsa sa nga online viewers ang FB Live sa Miss Kuyamis facebook page gani sa pagsulat ning balita anaa na sa kapin 200,000 ang views.

Lakip sab sa mitambong sa coronation night ang mga Provincial Board Members, Association of Tourism Officer of Misamis Oriental, Misamis Oriental Department Heads Association, Gingoog City Officials nga maoy host city,  LGU officials gikan sa nagkadaiyang lungsod, pami-pamilya ug supporters sa mga kandidata, mga Provincial ug Regional Directors, lakip na ang Corporate Sponsors.

Namapamatud-an na nga puno gyud sa kaanyag ang tibuok Misamis Oriental nga dili lamang naila sa mga maanindot nga talan-awon apan labaw na sa mga Kuyamis beauty queens nga maoy dakong rason ngano naila sa tibuok kalibutan ang lalawigan human nakaharbat og mga dagkong titulo sa national pageant.

Bisan pa man nga sa ulahing pagsaulog sa Kuyamis Festival isip amahan sa lalawigan, gisaad ni Gobernador Bambi Emano nga magpabilin siyang mopalakpak sa tanang anihon nga kalamboan sa Misamis Oriental sa umalabot panahon tungod sa mabungahong natad sa Turismo nga iyang gisugdan.

(Source: Provincial Tourism Office-MisOr | Misamis Oriental Provincial Information Office Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -