Cagayan de Oro: Ambulant vendors gihatagan og ayuda ni Mayor Klarex Uy

0
0

Tungod sa dakong kalooy, gihatagan ni Mayor Rolando `Klarex’ Uy og ayuda nga bugas ang mga ambulant ug sidewalk vendors human sila wala nakapamaligya karong adlawa Nob. 22, hangtod ugma Nob. 23, 2022 tungod sa orientation ug raffling sa puwesto sa bag-o nilang balhinan nga dalan.

Gimando sa Night Market Team nga gipangulohan ni Mayor Klarex sa mga ambulant ug sidewalk vendors nga dili una mamaligya sa maong mga adlaw isip pagpangandam usab sa ilang pagbalhin karong Nob. 24, 2022, adlaw’ng Biyernes.

Gani, gipasabot ni Mayor Klarex nga tumong sa iyang wala pagtugot nga mahibaw-an kung mosunod ba sila sa mga balaod nga ipatuman sa syudad.

“Kung adunay mosupak pasayloa ko ninyo kay ipatigbabaw gyud nako ang balaod, walay akong ipa-karate pero ipakarga nako ang inyong baligya,” pasidaan ni Mayor Klarex.

Alayon niini, naglaum ang Night Market Team, labina si Mayor Klarex nga mo-kooperar ang mga ambulant ug sidewalk vendors aron dili usab masuspendi ang pribilihiyo nga gihatag kanila. (ALR/CIO/Photos by Jomar Figuracion/CIO)

Leave a Reply