Sa ikaduhang higayon ubos sa pamunoan ni Gobernador Bambi Emano laing mga ambulansya ug vans ang gitunol niini alang ngadto sa walo ka Misamis Oriental Provincial Hospitals sa mga lungsod sa Alubijid, Claveria, Talisayan, Balingasag, Magsaysay, Manticao, Initao, ug dakbayan sa Gingoog.
Pormal nga gitunol ni Gov. Bambi human kini gi-blessingan sa miaging semana sa hawanan sa Kapitolyo Probinsyal.
Kanunay nga tinguha sa liderato niini nga mahatagan og prayoridad ang panglawas nga bahin hilabina niining pagbatok sa CoVid-19.
Labihan ang kalipay ug pasalamat sa tanang Chief of Hospitals human sa kinatibuk-an 23 ka unit sa mga salakyan gilangkoban sa 16 ka mga ambulansya ug walo ka L-300 vans ang ilang madala angadto sa mga balay tambalanan nga ilang gidumal.
Gibutyag ni 8 MOPH In-charge ug Chief sa MOPH Manticao ug Initao nga mao si Dr. Israel Peralta nga nasorpresa siya tungod wala damha nga mahatagan sila og balik hilabina nagtunol na og ambulansya si Gov. Bambi niaging tuig.
Dugang niini nga mas gikinahanglan kaayo ang ambulansya karon padayon ang pakgibatok sa pandemya.
Gipaabot sab niini nga wala gayod naluya sa paghatod og serbisyo ang tanang hospital bisan paman sa hagit ug kalisod nga ilang nasinatian isip frontliners apan ang suporta ni Gobernador Bambi naghatag kanila og dugang kaikag nga maalagaran ang tanang nanginahanglan.
“In times of adversities and difficulties, it may have shown weakness of our healthcare service but it also showed the world how the health-workers of MisOr do best. Rest assured that these vehicles will serve 100 of thousands in the years to come to support and extend a life. This is actually the evidence that the Governor is actually looking into the healthcare system of the province. We’re very grateful,” mensahe ni Dr. Peralta.
Damgo lamang kaniadto kining mga salakyan apan matud ni Committee on Transportation Chairman Board Member Dexter Yasay nga nahatagan kini og katumanan hilabina nga walay babag sa kalamboan nga bout mahitabo sa amahan sa lalawigan nga makabaton dugang Provincial Government vehicles aron magamit sa mga frontliners.
“This is not a political propaganda. This is not a personal agenda. Posible daghang mga kritiko nga wala kasabot sa klase sa pamunuan ni Governor Bambi Emano. It’s always making public service more accessible to all people of Misamis Oriental,” sulti ni BM Yasay.
Kung kaniadto maglisod gayod ang mga Provincial Hospitals sa pagresponde sa mga emerhensiya ug sa mga daghan hagit dala sa ilang gipanumpaang serbisyo, karon pinaagi sa mga newly-acquired vehicles samot pa nga mapalawig ug mapangandaman ang mga implementation programs alayon sa pagbatok sa CoVid-19.
(Rejiann Ammor R. Maygay, photo courtesy by Marvin Gilig)
(Source: Public Information Office | Misamis Oriental Provincial Information Office Facebook page)