Cagayan de Oro: 78 ka barangay sa CDO COVID19 free na

0
123

Duha na lamang sa 80 ka barangay sa Cagayan de Oro ang adunay natalang COVID 19 cases samtang 78 na ang COVID19-free.

Visit RPN DXKO Cagayan de Oro

Gibutyag ni Dr Ted Yu Jr., medical officer sa City Health Office nga 3 na lang ka active cases ang natala sa syudad, duha (2) niini gikan sa Brgy Patag samtang sa usa (1) sa Brgy Bulua.

Duha sa maong mga kaso ang kasamtangang anaa sa mga balay tambalanan, samtang usa na lamang ang anaa sa isolation facility nga gidumala sa syudad.

Kini human mitala og zero case ang Cagayan de Oro sa mga nilabay’ng semana.

Samtang mitala na usab og kapin 1.2 milyon ka mga Kagay-anons ang natupokan na sa COVID 19 vaccine nga gidumala sa Cagayan de Oro vaccination team lakip mga kabataan nga nag-edad og 5 anyos pataas.

Apan bisan pa man niini, hugot pa gihapon ang hangyo ni Mayor Oscar Moreno kauban ang Emergency Operation Center sa katawhan nga subayon kanunay ang minimum public health standards aron makalikay sa maong virus.

(Source: Cagayan de Oro City Philippines Facebook page | CIO)

LEAVE A REPLY

Please enter your comment!
Please enter your name here