Cagayan de Oro: 75-feet nga Christ the King Shrine lakip sa Faith Tourism destination sa MisOr

0
282

Hingpit na nga gibuksan sa publiko ang gikonsiderang pinaka-taas nga Christ the King Shrine sa Pilipinas nga nahimutang sa Barangay Samay, Gingoog City, Misamis Oriental, niining semanaha dungan sa blessing niini nga gipangunahan ni Fr. Ruth Develos.

Visit RPN DXKO Cagayan de Oro

Ang maong shrine gipalibutan sa mga kahoy diin tumong niini nga adunay masilungan ang katawhan ug mahimong solemne sa ilang pagbisita ug mas mapahugot ang ilang pagtuo pinaagi sa sinsero nga pag-ampo.

Sa gitas-on nga 75-feet, ang bag-ong faith tourism destination sa lalawigan maoy pinaka-taas nga sculpted image sa Christ the King sa nasud ug ika-duha sa tibuok kontinente sa Asya, sunod sa Dili, East Timor/Timor-Leste sa gitas-on nga 88-ft. Mitambong sa maong espesyal nga kalihokan si Gobernador Bambi Emano, kinsa maoy usa sa mga haligi sa katukuran sa maong shrine ug ang utok sa kalambuan sa turismo sa lalawigan, uban ni Mr. Decius Esmedalla sa Department of Tourism-Northern Mindanao. (Reymark Carreon Semaña)

(Source: Misamis Oriental Provincial Information Office Facebook page)

Leave a Reply