29.8 C
Manila
Thursday, March 28, 2024

Pagadian: Guinlin barangay captain, dismayado sa proyekto nga walay homan-homan

- Advertisement -

Tigbao, Zamboanga del Sur – Dismayado si Guinlin Barangay Captain Vencenzo Alegarbes sa proyekto nga walay homan-homan pila ka tuig na ang milabay, partikular ang itukod unta nga bag-ong Covered Court sa maong Barangay. Matud niini nga nangandoy unta siyag maayung proyekto nga mapahimuslan sa mga katawhan, apan wala matud pa syay mahimo tungod usa lamang sya ka kapitan og wala sya masayud sa plano sa kontraktor niini.

Visit RPN DXKP Pagadian

Ato lang nakalabay nga adlaw gibisita ni Provincial Information Officer Jessrel Himang ang maong lugar kauban ang pipila ka mga Media Personnel aron masuta ang sitwasyon sa maong proyekto. Nakaplagan sa lugar nga pila palang ka puting ang nahimo sa 2 milyones kapin kon kulang nga kantidad nga proyekto sa covered court.

Gibutyga ni kapitan Alegarbes nga ato pang bulan sa Nobyembre atong nakalabay nga tuig katapusan nga nakita niya nga adunay ga trabaho sa lugar, apan homan ato wala nay tawo nga nagtrabaho aron matapos unta ang maong proyekto. Dugang niini nga adunay syay nakita nga mga materyales sa panimalay ni Thadz Buhisan nga maoy sab-kontraktor sa maong proyekto.

Gipaabot ni PIO Jessrel Himang ngadto sa mga residente sa maong Barangay ang palpak o bloated nga project sa Segundo Distrito. Hisayran nga sa gipagawas nga report gikan sa DPWH 90 porsyento na kining nahuman, apan gani ang nahimo nga mga puting ang wala papud usab nahoman, dugang niini nga ang maong proyekto ang sugdan unta atong bulan sa Pebrero tuig 2021 og matapos atong bulan sa Agusto sa parehong tuig.

Nasayran usab nga 3 na ka mga bata ang nahagbong sa mga bangag nga maoy giturokan sa puting, yamar usab sa pipila ka mga lumolupyo sa Barangay Guinlin nga igo ra gi guba ang kaniadto gamit nila nga baskeball court og gipulihan sa walay kahomanan nga proyekto. (Wendel Cabrera, photo courtesy of tatskie)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -