Human gimugna ug giplastar sa Night Market Management Committee ang duha ka grupo sa mga sidewalk vendors, mihurar atubangan ni Mayor Rolando `Klarex’ Uy ang napili nga mga opisyales sa Night Market Chicken Alacart Associations nga gipangulohan sa ilang presidenti nga si Nash Datu-Olama, ug ang Gaston Park Sunday Vendors Associations uban sa ilang presidenti nga si Epifanio Mahinay.
Lakip sa misaksi sa paghurar ang Night Market Team sa pagpangulo ni kanhi Kag. Enrico Salcedo isip co-chairman uban sa mga miyembro nga mga department managers sa RTA, CEEBDA, Cocpo, Clenro; CPSO, RCB, City Legal, City Information Office, CDRRMO, OBO, Engineering Office, City Admin Office ingon man sila si ABC Pres. City Councilor Yan Lam Lim, ug SK Federation Chairman City Councilor John Michael Seno.
(Source: Cagayan de Oro City Information Office Facebook page)