Tagtugotan sa Sangguniang Panlungsod an hangyo ni BPLO Head Ernesto Kang na ma-extend an deadline sa paglukat nan business permit, licenses sanan renewal.
Taghangyo ni Kang na taman sa Enero 22 na wayay penalty aron kahatagan nan higayon an waya pa maka renew sa ilang lisensiya.
Sa zoom session kagahapon sa Sangguniang Panlungsod, tag motion ni Kagawad Jose Expeditus Bayana na hangtud sa Enero 30 an deadline. Wayay nag object sa mga konsehal hangtud kini naaprobahan.
Tagbutyag ni Business Permit and Licensing Officer Ernesto Kang na kagahapon na mikabat pa sa 35.7 milyones ka pesos an nakolekta sa syudad. Tungod sa extension, taglauman na mas motaas pa an kita sa business permit and licenses renewal tungod kay jaon pay hamok business establishments an waya pa makalukat o makarenew sa ila lisensiya. Wayay penalty ini hangtud sa Enero 30, 2021.