Budget sa Surigao del Norte provincial government sa tuig 2021 kantidad ₱ 1.38 billion sa general fund sanan ₱ 128.4 million sa General Fund – Economic Enterprise aprobado na sa Sangguniang Panlalawigan sa second reading.
Nagpasalamat si Governor Francisco Matugas ngadto sa Sangguniang Panlalawigan nga naaprobahan na ang budget para sunod tuig. Tagsugilon sa gobernador sa radio interview kuman buntag sa RPN DXKS na kabahin sa budget nga may maitabang an probinsiya sa mga negosyante nga naapektuhan sa CoViD-19 pandemic.
Si Board Member Guillermo Boncaros, Chairman sa Committee on Finance an nag sponsor sa motion diin sa ilang proceedings kahapon na regular session, tagsuspend ni Vice Governor Eddie Geed Gokiangkee an internal rules aron maka esplikar si Joaquin Ormega, Budget Officer sa pipila ka mga pangutana sa mga board members sa sulod sa budget.
Tagtakda sa sunod na regular session sa Disyembre 7 maaprobahan sa 3rd and final reading an salaping gahin.