BSP, indagadag kadagiti Ilocano nga ag-shift iti digital payments

0
8

Indagadag ti Bangko Sentral ng Pilipinas (BSP) kadagiti amin nga Ilocano nga anamongan ti digital payments para iti ad-adda nga episiente ken kombeniente aserbisio pinansial.

Iti interview ti Kapihan media forum a naangay iti BSP Batac Branch, impaganetget ni Cristamarie Tabilas-Abiva, deputy director ti BSP Regional Operations Sub-sector iti Ilocos, a kasapulan ti ad-adda a pannakaawat ti publiko no kasano ti panagandar ti digital payment.

Kinunana pay a ti kangrunaan a rason no apay nga agduadua dagiti tattao a mangadaptar kadagiti digital payments ket gapu kadagiti scam ngem maliklikan/makissay ti peggad babaen ti panagbalin a nasiput maipapan kadagiti mabalin a peggad.

Target ti BSP nga i-digitize ti di kumurang a 50 a porsiento iti amin a retail payments ken iyeg ti 70 a porsiento kadagiti nataengan a Filipino iti sistema pinansial ita a tawen.

Impadamag ni Maureen Franco, pangulo ti BSP Payments Policy and Development Department, ti umad-adu nga uso ti bingay ti digital total payments volume iti pagilian, a ngimmato manipud 10 a porsiento idi 2018 agingga iti 14 a porsiento idi 2019; 20.1 porsiento idi 2020; 30.3 porsiento idi 2021; ken 42.1 a porsiento idi 2022.

Manipud iti 20.9 milion nga e–wallet accounts kadagiti Pilipino idi 2019, nakarekord ti BSP iti 42.9 million accounts idi 2021 wenno immadu iti 56 a porsiento. Kaaduan kadagitoy nga account ket nausar para iti mobile payment.

Inulit dagiti BSP heads a saanen a masakbayan ti digital payment no di ket agdama. Kinuna ni Noel Neil Malimban, regional director ti BSP North Luzon Regional Office, iti mensahena kabayatan ti Kapihan, ket natalged ti panagusar iti digital payment gapo ta daytoy ti agdama nga uso ita.

 

 

Author: April Joyce Gonzales

Source: BSP Batac Branch

Leave a Reply