Nag-una pa gihapon ang Brgy Carmen nga adunay 118 ug pinakadaghan nga active cases sa COVID 19 sanglit mao man usab kini ang pinakadako nga populasyon ning syudad.
Sa kinatubuk-an, ang Cagayan de Oro nagbaton karon og 1,063 total active cases, basi sa taho ni City Epidemiologist Dr. Teodulfo Joselito Retuya Jr. atol sa daily presser bag-ohay lamang.
Gisundan kini sa Brgy Kauswagan nga adunay 105; Bulua – 80; Balulang -70; Iponan – 63. Lakip sa mga barangay nga anaa sa top 10 nga adunay active cases mao ang Brgy. Patag – 54; Lumbia – 52; Lapasan , Bugo ug Gusa nga adunay tag 50; Macasandig – 44 ug Nazareth 40.
(ACM | City Information Office)