AIRPORT SA SYUDAD SANAN SIARGAO ABLIHAN SA DISYEMBRE 1, 2020
Sa tigum kuman hapon nan mga kadagkuan sa Surigao del Norte na tagpanguyohan ni Governor Francisco Lalo Matugas nauyonan na dili na estriktohon an mga mosuyod sa Surigao del Norte sugod sa tunga tungang bahin sa buyan nan Nobyembre. Kini sama sa taghimo kuman nan Agusan del Norte na waya nay checkpoint kon mokadto kaw sa Butuan City.
Sa pag-abli sa border dili na required an negative result sa rapid antibody test.
Lakip isab nauyonan na ablihan na an airport sa Surigao City sanan Siargao alang sa domestic flight kuman Disyembre 1, 2020. Apan sa mga turista kinahanglan motuman sa gisitar na kamanduan sa Department of Tourism sanan sa Provincial Government regulations.
An Surigao City pagkakuman jaon pa sa MECQ hangtud sa Nobyembre 15, 2020.
Si APAS Sim Castrence amoy nagmoderate sa zoom meeting. Dugang updates mabati silom sa alas 8 sa buntag sa RPN DXKS sa programa sa probinsiya HINGAS BARANGGAYANON, COVID-19 SUMPOON.
(DXKS RPN Radio Facebook page/ RPN DXKS Surigao exclusive update)