Cebu City – Gibutyag sa kagamhanan sa Syudad sa Sugbo ang ilang plano nga ibalik pagpatuman ang border controls, nga maoy usa sa mga bag-ong rekomendasyon nga ilang nakita pagpakgang sa pagkatap sa Covid-19 sa syudad.
Matod ni Acting City Mayor Michael Rama nga naglaraw sab sila nga makigtagbo sa local chief executives sa Syudad sa Mandaue, Lapu-Lapu ug sa lalawigan sa Sugbo aron masabotan ang pagpatuman sa border controls alang sa mga non-essential travels.
“We will again connect with Gov. Gwen Garcia, Mayors Jonas Cortes and Ahong Chan to discuss border control, particularly in our ports, over non-essentials and some passengers getting through,” matod ni Rama.
Niadtong Domingo, Agosto 8, mipahigayon ang syudad ug multi-sectoral meeting ug mituki sa dugang measures pagtubag sa padayon nga nagsaka nga Covid-19 cases;
Labi na sa hulga sa mas maka takod nga Delta variant o ang B.1.167.2, mutation sa SARS-COV-2 virus.
Gawas sa planong pagpahugot sa border controls, buot sab sa kagamhanan sa syudad nga pa gamyan pa ang maximum capacity sa mga places of worship sa physical attendance alang sa religious activities gikan sa 30 porsyento ngadto na sa 10 porsyento.
Ila sab nga gi-awhag ang mga business establishments pagpatuman sa work-from-home arrangements.
Basi sa labing uwahing Covid-19 bulletin sa Department of Health Central Visayas, misaka sa 3,640 ka mga kaso as of August 8, 2021.
Kini human nadugangan ug 200 ka mga pasyente sa samang adlaw.
Miabot na sab sa kinatibuk-an ug 987 ka related infection ang patay, homan madugangi ug bag-ong siyam nga nangamatay.
Ang Syudad sa Sugbo, gipabalik sa mas istrikto nga Modified Enhanced Community Quarantine (MECQ) sukad niadtong Agosto 1, 2021. (Jhon Tadlip)
(News & photo courtesy of Cebu City Government, video credits to the owner)