- Advertisement -
Bawal muna ang boodle fight sa Philippine National Police (PNP).
Ito ang ipinag-utos ni PNP chief General Archie Gamboa dahil pa rin sa banta ng 2019 coronavirus disease (COVID-19) sa bansa.
Sinabi ni Gamboa, ipinagbabawal muna ang boodle fight sa mga pagtitipon ng PNP para maiwasan na rin ang panganib ng naturang sakit.
Aniya, lumalabas kasi sa mga reports na naipapasa ang virus sa pamamagitan ng ‘droplets of saliva’ o laway, kaya’t mas mainam na ipagbawal muna ang boodle fight.
Giit pa ng PNP chief, ang kaniyang direktiba ay para na rin sa kaligtasan at kapakanan ng marami.
- Advertisement -
