29.8 C
Manila
Sunday, April 14, 2024

Bong Go, dumalaw sa Malasakit Center nganhi sa Dakbayan sa Davao

- Advertisement -

Davao City— Gipasalamatan ni Special Assistant to the President Christopher Lawrence Bong Go si Davao City Mayor Inday Sara Duterte- Carpio human nga gidawat niini ang pagmuntar ug Malasakit Center nganhi sa Dakbayan sa Davao. Ang nahisgutang proyekto ang magtutok sa balatian sa katawhang kabus sa syudad ug silingang dapit sa rehiyon.

Ang tulo ka andanang malasakit Center hapit nang matapos ang katukuran niini diha sa atubangan nga bahin sa Southern Philippines Medical Center sa dalang Bajada ning syudad.

Sumala pa ni SAP Bong Go nga ang Malasakit Center usa ka One- Stop- Shop gikan sa mga ahensiya sa nasyunal nga panggamhanan sama sa Department of Health, PhilHealth, Department of Social Welfare and Development ug Philippine Charity Sweepstakes Office aron dili na maglisod pa sa pagpangayo ug tabang ang mga pasyenteng kabus.

Gipasabot pa ni Go nga gikan sa Office of the President ang pundo nga gigahin sa katukuran sa Malasakit Center sa nagkadaiyang bahin sa nasud. Sa kasamtangan duna nay malasakit center sa Tacloban, Dumaguete, Palawan, Ilo-Ilo, Bacolod ug Cebu samtang tukuran na usab ug laing Malasakit Center ang mga lugar sa Bulacan, Pampanga, Laguna, Maguindanao ug uban pang dapit sa Mindanao.

Kahinumduman nga una nangt gitutukan ni Presidente Rodrigo Duterte ang panglawas sa katawhan dihang siya pa ang Mayor sa Dakbayan sa Dabaw hinungdan nga gisugdan ang pagtukod niini sa Lingap para sa Mahihirap niadtong tuig 2001 hangtud nga nahimong Kalinga sa Bayan ug karon mao na usab ang Malasakit Center human siya nahimong Pangulo sa Nasud.

Buot lamang ni Presidente Duterte nga masiguro ang gihambin nga balatian sa katawhang Pilipino pinaagi sa tinud anay nga serbisyong panglawas sa Kagamhanan. Ang malasakit center sa syudad dunay gimontar nga Express Lane alang sa mga Senior Citizen ug Person with Dissability samtang dunay gitagana nga ambulansiya aron maghatod sundo sa mga pasyente gikan sa mga lagyong pinuy-anan nga way kakayahang mamasahe ugaling moadtong sa ospital.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -