Davao del Norte— Posibleng personal ug may kalabutan sa iyang trabaho isip manlalaban ang ugat hinungdan sa pag- ambush patay sa usa ka abogado didto sa Dakbayan sa Tagum kagahapong adlawa. Kini karon ang gitutukang anggulo sa gipahigayong imbistigasyon sa kapolisan human nga gipatay ang abogado samtang sakay sa iyang sakyanan pasado alas nuebe sa buntag kagahapong adlawa didto sa may Gabayan 2, Barangay Mankilam syudad sa Tagum,
“ Personal grudge work- related or some motives that will arise depending on the evidence gathered” sumala pa ni PRO-11 Spokesperson Chief Inspector Milgrace Cajes- Driz
Photo credit to MINDANET
Ang Police Regional Police XI nag-ila sa biktima nga si Atty. Connie del Rio-Villamor, 38 anyos ang pangidaron, minyo ug nagpuyo sa Purok Pag-asa Barangay Visayan Village syudad sa Tagum.
Sumala pa ni PRO-11 Spokesperson Chief Inspector Milgrace Cajes- Driz nga ang biktima nagmaneho sa iyang itom nga Subaru Forester XT nga dunay plaka numero ADP- 3141 gikan sa Manga Elementary School ug padung siya sa Apokon National Highway.
Kalit lamang nga mi overtake ang usa ka motorsiklo ug namusil ang angkas nini sa makadaghang higayon nga maoy hinungdan sa kamatayon sa biktima.
“ The investigation are still digging deeper to the investigation and further urged witnesses to come out and report to the police”… matud pa ni Driz
