Usa ka “Read-A-Book Program and Feeding Activity” ang gipahigayon sa buhatan sa Bjmp Dipolog City Jail Male Dormitory, niadtong Marso 21, 2025, sa may alas 7:50 ang takna sa buntag, didto sa Arlyn’s Ocean View Resort.
Ang maong aktibidad gipangulohan ni JCINSP MANUEL U CALIBO, pinaagi ni Sheila B Dela Victoria, Unit CRS Officer, diin 55 ka mga bata ang nipartisipar nga nagtabang kanila sa pagpaminaw,ngadto sa ilang mga ginikanan,mga leder ingon man pagkamasinugtanon sa mga lagda nga makapanalipod kanila pinaagi sa pagsabut ug pagpraktis sa pagkamasulundon.
Naghatag ug kahigayunan nga makakat-on sa paghimo og maayong mga desisyon, makapalambo og positibo nga mga kinaiya, ug makatukod og lig-on nga relasyon base sa pagsalig ug pagtahud nga luwas ug naggiya kanila ngadto sa pagkahimong responsable nga mga indibidwal.
Ang pagka masulundon usa ka sukaranan nga bili nga makatabang sa paghulma sa kinaiya sa mga bata, pagsilsil sa disiplina, pagtahud ug responsibilidad sa sayo nga edad nagbatbat kanila sa pagsunod sa mga instruksyon sa eskwelahan ug katilingban, pagsiguro sa usa ka mas gambalay ug harmonious nga palibot.
Sa laing bahin, gipasalamatan sa mga opisyal sa pasilidad ang usa ka magtutudlo nga si Teacher Arjie C. Cerna kinsa nihatag sa iyang suporta diin human sa pipila ka gutlo sa sa sesyon ang mga bata gihatagan kinig pagkaon, nga nakapabati sa ilang masanag nga pahiyom. (Medalyn U. Borja)
(Source: BJMP Dipolog City Jail Male Dormitory)