Bilang ng naaresto dahil sa vote buying umabot na sa 24

Umabot na sa 24 na indibidwal ang naaresto ng PNP o Philippine National Police dahil sa vote buying.

Ayon kay PNP Director of Operations Police Major General Ma- O Aplasca, bukod sa mga naaresto ay 2 iba pa ang natakas at pinaghahanap pa.

Naitala aniya ang naturang mga vote buying incident sa Region 4-A at Cordillera Administrative Region.

Una nang nagpaalala ang COMELEC na mahigpit na ipinagbabawal ang pagbebenta at pagbili ng boto.