Dismayado ang United Filipino Consumers and Commuters (UFCC) group sa biglaang paglalabas ng Land Transportation Franchising and Regulatory Board (LTFRB) ng P9 na provisional fare sa jeepney.
Ayon kay UFCC President RJ Javellana, nakapagtataka na mabilis na nagpalabas ng provisional fare rollback ang LTFRB gayong mayroon pang nakatakdang pagdinig ngayong araw.
Dapat lang aniyang ibaba sa P8 ang minimum na pasahe sa jeeney dahil sa laki ng ibinaba ng presyo ng diesel.
Samantala, nais na alamin ng grupo kung bakit sa jeepney lamang ang ibinalik ang pasahe gayong kasama sa kanilang naging petisyon ang pasahe sa mga bus.