BI magsasagawa ng ‘redundancy check’ sa mga OFWs na paparating ng bansa

Handang makipag tulungan ang Bureau of Immigration (BI) sa pamahalaan sa pagtukoy sa mga paparating na overseas Filipino workers (OFWs) sa bansa na kailangan pang isailalim sa mga pagsusuri.

Batay sa abiso na inilabas ng BI, nakatakda ang BI na magsagawa ng “redundancy check” kung saan layon nitong tukuyin kung isinailalim na ng Bureau of Quarantine ang mga OFWs na papasok sa bansa sa pagsusuri.

Ito ay upang hindi na maulit pa, o hindi na kailangan pang isailalim sa rapid testing ang mga nabanggit na OFWs bilang patunay na sila ay isinailalim na sa isang pagsusuri.

Bukod sa mga pagsailalim sa mga OFWs sa COVID-19 testing, magugunitang kinakailangan din nilang sumailalim sa 14-day mandatory quarantine.