Indaulwan ni Fire Senior Inspector Claire Simbol ti naisayangkat a panagsirena ti fire truck sadiay fire station iti ili ti Paoay ti oras iti alas sais itay bigat.
Gagem ti nasao nga akdang tapnu maipalagip kadagiti umili ti Paoay ti pangrugi ti “Fire Prevention Month.”
Nangngegan ti panaguni ti sirena iti unos to sangapulo a minuto.
Mainaig iti daytoy, indaulwan ni Mayor Romulo Acdal ti napasamak a motorcade iti nasao nga ili a kas paset paylaeng ti “Awareness on Fire Prevention Month.”
Karaman a nakipagpaset dagiti Reservees, Philippine National Police, Rural Health Unit, opisyal ti Barangay ken dadduma a Stakeholders. (Mary Rose Antonio, RPN DZRL Batac Correspondent)
( Source: LGU Paoay, Ilocos Norte)