Batac: “Transport Hub”, maipasdek ditoy siudad ti Laoag iti mabiit

0
277

Manamnama a maipasdek iti mabiit ti “transport hub ken parking building” wenno Central Terminal ditoy siudad ti Laoag iti mabiit.

Visit RPN DZRL Batac

Daytoy ket babaen iti panangiganuat ni Secretary Art Tugade ti Department of Transportation babaen iti suporta ken kooperasyon ti gobierno probinsial iti panangidaulo ni Gob. Matthew J. Marcos Manotoc.

Immun-una ngem iti daytoy, nagpinnirma iti “Memorandum of Agreement” ti sekretario ken ti gobernador idiay Currimao Seaport.

Inbunannag ni Tugade a daytoy ti mangipamatmat iti panangipapaay ti departamento nga idadauloanna ti naan-anay nga importansia iti Ilocos Norte.

Imbatad ti sekretario a napinget ti kalikagumna a dumur-as ti ekonomia ti probinsia.

Inlawlawagna a ti nasao a “hub” ket tarigagayna a mapagbalin nga “intermodal terminal” a pakasarakan iti “multi-level platform” nga addaan ti gagem a mangalay-ay iti kinakiro ti trapiko babaen iti panangipaay ti napintas a panagkokonektar dagiti nadumaduma a transportasion kas kadagiti Public Utility Jeepneys wenno PUJs, bus, taxi, van ken trisikelan.

Plano pay a mapagbalin a “transfer point” para iti publiko a rummuar sumrek iti probinsia a mangitunda iti nakomkomportable a panagbiahe. (Irene Ringor)

(Source: Provincial Government of Ilocos Norte)

Leave a Reply