Impalagip ni Senadora Loren Legarda kadagiti estudyante ti Mariano Marcos State University (MMSU) iti Enero 17 a saan koma nga agpatengga ti panagadal” kas paset ti forum maipanggep iti papel dagiti Higher Education Institutions (HEIs) iti panagpundar ti naandur nga ili. Kinuna ni Senadora Legarda a “Ti panagadal ket igam, ket saan koma a mapukaw ti sirib ken panagsursuro.” Impalagipna pay a masapul nga agtultuloy ti panagadal tapno makatulong kadagiti komunidad.
Naangay daytoy a forum idiay Teatro Ilocandia, ken karaman dagiti MMSU administrators, estudyante, ken opisyales manipud CHED, LGUs, ken partner agencies. Impaatungpal daytoy babaen ti initiatibo ti MMSU ken ni Senadora Legarda tapno maipasagepsep maipanggep iti kultura, klima, ken panagserbi kadagiti ili. Binigbig ni Legarda ti NBERIC a naipatungpal babaen iti suporta ni dati presidente Dr. Shirley C. Agrupis.
Naipaima met kenkuana ti libro “Tadek” nga insurat ni Dr. Zyrill Pe Benito. Karaman kadagitinaimbitaran ket ni Sen. Rodante Marcoleta ken ni CHED Chairperson Agrupis a nangyebkas ti panagyaman ken panangsuporta ti senadora iti pannakapabileg ti HEIs.