Naiwayat ti search operation iti maysa a pagtaengan idiay Brgy. No. 34, Isic-Isic, Vintar, Ilocos Norte.
Ti nasukimat ti pagtaengan na ket ni Edgar Y Acebu, 37 years old, married, agtaltalon ken residente ti nasao a Brgy. Dagiti kamkameng ti Vintar Municipal Police Station ti nangidaulo ti Search operation babaen ti bileg ti search warrant nga inyetnag ni Hon. Dinah Myrtle M. Pacquing ti RTC Branch II, Marcos Hall of Justice.
Narekobre iti ikot ti akusado ti 12 a bala ti 12 gauge Shotgun, lima a bala ti Cal.7.62 3 abala ti Cal. 22 tallo a bala ti Cal. 38, maysa a homemade Cal.38 nga addaan lima a bala, maysa a 12 gauge shotgun innem a bala ti 12 gauge shotgun ken 7 pay a bala ti Cal.38.
Ti suspek ti manamnama a mapilaan ti kaso iti panagbalusingsing iti RA 10591. (Rod Sadian)
(Source: PNP Vintar)