Nakasagana a kanayon ti Speak Up Im Here a mangakumudar kadagiti tumawag tapno mangipadanon kadagiti parikutda. Daytoy ti inpasigurado ni Mr. Jared Ventura, psychological first aider iti SUIH.
Segun kenkuana, adda dagiti nakasagana a counseling professionals ken dagiti psychological first aider a mangsango kadagiti klienteda nga agkasapulan ti tulong ania man nga oras iti aldaw wenno iti rabii.
Malaksid kadaytoy, kinunana nga adda pay dagiti partner agencies ti SUIH pakairamanan iti Department of Social Welfare Development ken accute psychiatric unit iti Marian Marcos Memorial Hospital and Medical Center a katulungan nga mangituding iti medical practice nu kasapulan dagiti kliente ti panang-diagnosed dagiti marikriknada.
Innayunna pay, ita nga mental health week, naiget iti panangipalpalagipna iti publiko nga importante a saan baybayan iti salun-attayo no kasta adda iti parikottayo.
Inlaw-lawagna pay nga sindadaan ti opisinada a mangipaay iti tulong ti asinnoman nga addaan iti dagensen.
Inpalgakna a mabalin laeng ti tumawag wenno agtext iti hotline numbersda a 09279829236 wennu 09664610706, wennu agmessage ti facebook page iti Speak Up Im Here llocos Norte.
Author: Geraldine R. Ulep,
Source: PGIN-CMO
