Kalpasan ti insidente ti uram iti Batac City Public Market, dagus nga inted ti Provincial Government of Ilocos Norte ti tulong kadagiti dandani 300 nga apektado a stall owners ken helpers babaen ti pannakaiwaras ti Family Food Packs. Nangipaay met ti Department of Social Welfare and Development kadagiti Family Food Packs ken danum nga inumen tapno makatulong a mangtaming kadagiti dagus a kasapulanda. Agtalinaed a naikumit ti Gobierno Probinsial nga idauluan da Governor Cecilia Araneta-Marcos ken Bise Gobernador Matthew Marcos Manotoc a makipagtrabaho kadagiti partner agencies tapno maited ti agtultuloy a suporta ken tumulong a mangisubli iti negosyo da. Naimpusuan a panagyaman ti Gobierno Probinsial ti Ilocos Norte kadagiti amin a partner agencies, volunteers, ken responders gapu iti napartak a tulongda. By: Niña Tabilos