Batac: Pannakapasayaat ti erupuerto ken dagiti pantalan iti Ilocos Norte, tulbek iti ar-arapaapen a panagdur-as ti ekonomia

0
102

Kabulbulon iti ar-arapaapen ni Gob. Matthew Marcos Manotoc a panagdur-as ti ekonomia ti probinsia ti pannakapasayaat ti erupuerto ken dagiti pantalan iti Ilocos Norte.

Visit RPN DZRL Batac

Inbunannag ti gobernador a kalpasan a nai-upgrade iti level 7 ti Laoag International Airport manipud iti level six ket kalikagumna a mai-upgrade iti levei 9.

Inlawlawagna a daytoy ket agsipud ta kaipapanan daytoy a mabalinen ti LIA a pagdisoan dagiti dadakkel nga eroplano wenno dagiti international flights.

Kabayatanna, imbatad ni Gob. Marcos Manotoc nga iti pakaseknan ti “trade, commerce” ken “investment” ket nakapatpateg dagiti pantalan gapu ta nalaklaka ti pagbayad ti “cargo” kadagiti maidalyasat iti baybay.

Mainaig iti daytoy, kunana a malaksid iti panangpasayaat ti Phil. Ports Authority iti pantalan ti ili a Currimao ket puntiria pay a ma-activate ti pribado a pantalan iti ili a Badoc.

Mangnamnama ti gobernador a daytoy ti manglukat iti kalikagumna a panagbalin ti Ilocos Norte a “gateway” iti East Asia. (Rodrigo Sadian)

(Source: Provincial Government of Ilocos Norte)

Leave a Reply