Paoay Maysa a dakkel a tulong iti sektor ti agrikultura, naballigi ti pannakaiwaras ti Presidential Assistance to Farmers and Fisherfolk (PAFF) Program ti tulong pinansial kadagiti 2,459 a rehistrado a mannalon manipud iti ili ti Paoay. Ti pannakaiwaras, ket naangay iti Department of Agriculture – Ilocos Norte Research and Experiment Center (DA-INREC), ket panggepna a suportaran dagiti mannalon a makapaspasar kadagiti nadumaduma a karit ti agrikultura. Tunggal benepisyario, a rehistrado iti Registry System for Basic Sectors in Agriculture (RSBSA) ken addaan ti mula a dua a ektaria wenno nababbaba pay, ket nakaawat iti ₱2,325.00 a tulong pinansial. Naipakita iti daytoy a programa ti tuloy-tuloy a suporta ti nasyonal a gobyerno kadagiti mannálon tapno mapapigsa ti panagmula ken makatulong iti pannakapapigsa ti produksyon ti taraon iti komunidad. By: Niña Tabilos