iti ili ti Paoay Kas paset ti agtultuloy a panangsuporta iti nasayaat a panagdur-as dagiti ubing, naiwaras ti Municipalidad ti Paoay, babaen ti panangidaulo ni Mayor Shiella A. Galano, iti indoor play equipment kadagiti nadumaduma a Child Development Centers iti amin a barangay ti ili. Ti naited nga indoor play equipment ket mangipaay iti natalged ken makapainteres a panagadal dagiti ubing, a makatulong iti panangparang-ay ti pisikal, sosyal, emosyonal, a kabaelanda babaen iti play-based learning. Kinuna ni Mayor Galano a napateg ti pananginvest iti pagimbagan ken panagdur-as dagiti ubing, gapu ta isuda ti pundasion ti maysa a napigsa ken nasayaat a masakbayan ti komunidad. Babaen kadagiti gannuat a kas iti daytoy, agtalinaed a dedikado ti Gobierno Munisipal ti Paoay a mangsuporta iti de kalidad a serbisio para iti early childhood care and Development, para iti tunggal agtutubo a Paoayeño. By: Niña Tabilos