Agpada a natay dagiti nagkalubbon ti motorsiklo kalpasan iti pannakapalidlid kadakuada ti truck iti national highway iti Barangay Langlangca 2nd, Candon City idi lunes january 19, 2026.
Iti imbesrigasyon ti pulisya, agsarsaruno ti dua a motorsiklo nga agpada a napaspas ti taray na Idin ta bigla a naginnayad ti umun una a motorsiklo, ditan a nadungpar ti sumarsaruno a motorsiklo Gapu iti kinapigsa ti pannakadungpar, naipan iti sabali a lane ti dimmungpar a motorsiklo ken naipuruak dagiti dua a naglubbon.
Ditoy metten a napalidlidan isuda ti sumungsungad a truck Naitaray iti ospital dagiti dua ngem agpada a dead on arrival Nasugatan met ti ima ti driver ti maysa pay a motorsiklo, idinto a saan met a naan ano ti driver ti truck.
Kuna ti pulisya nga accident prone area ti nakapasamakan ti aksidente ket masapol ti naan anay a panagan annad.
News by: Randy Menor