Impeksa ti outgoing Vice Mayor ken naabaak a para mayor iti siudad ti Laoag Atty. Vicentito “Toto” Lazo ti panagkablaaw na iti nangabak nga opisyales ti Laoag para iti sumaruno a tallo a tawen.
Nagyaman met ni Lazo kadagiti simmuporta iti team Lazo ken team Marcos iti panagbayabay da kadakuada kabayatan ti kampanya iti kinamayor ti Laoag.
Kuna na animan pay saana a napagasatan daytot kas Mayor iti Laoag ket nakasagana a makikammayet kadagiti nangabak nga opisyales kas maysa a Laoagenyo tapno ad adda pay a mapadur-as ti kabibiag dagiti taga Laoag.
Nagyamanan na met dagiti simmuporta iti anak na a ni incumbent board member iti umuna a distrito Atty. Saul Lazo gapu ta innikan da manen iti gundaway nga agserbi kas Bokal iti maikadua a termino na.
Ni Bise Mayor Lazo ket nagun-odan na ti maaikatlo a pwesto iti kina mayor ti Laoag no sadinno a nangabak met laenga mayor ni incumbent Mayor Michael Marcos Keon iti bassit Laeng a Botos kontra ken ni dati a Mayor Cheville Fariñas. (Rod Sadian)
(Source: Office of the City Vice Mayor Laoag)