Nagtitipon ti Municipal Health Board (MHB) ti Munisipio ti badoc tapno pagsaritaanda dagiti kangrunaan a gannuat ti salun-at ken plano ti panagdur-as ken mangpasayaat iti serbisio iti salun-at para kadagiti umili ti Badoc. Indauluan ti miting ni Mayor Virgilio M. Calajate, Chairman ti Municipal Health Board, agraman dagiti kameng ti Board ken manipud iti nadumaduma a sektor. Karaman kadagiti napagsasaritaan ket ti kasasaad ti pannakaipatungpal ti 2026 Annual Operational Plan, ti pannakaproseso ti 2027 Annual Operational Plan, ken ti Health Facility Development Plan (2026-2030). Dagitoy nga agenda ket napateg iti panangsigurado nga agtalinaed a makasungbat dagiti programa ti salun-at, serbisio, ken pasilidad kadagiti kasapulan ti komunidad. Impaganetget ni Mayor Calajate ti kinapateg ti collaborative planning ken sustained commitment dagiti maseknan iti panangidur-as ti salun-at ti publiko ken panangipaay ti kalidad a serbisio ti healthcare iti tunggal umili Babaen ti kolektibo a panagregget ti Municipal Health Board ken dagiti kakaduana, agtalinaed a nauneg ti panagkumit ti Munisipio ti Badoc iti panangitandudo kadagiti madanon, nasigo, ken people-centered healthcare services para iti amin. By: Niña Tabilos