Batac: LGU ti Romblon, nagbenchmarking ditoy Ilocos Norte

0
83

Panagadal kadagiti napipintas programa ken proyekto ti gobierno probinsial iti liderato ni Gob. Matthew Marcos Manotoc a mabalin da nga adaptaren ti gobierno probinsial ti Romblon.

Daytoy ti kangrunaan a gagem iti panagbisita ditoy Ilocos Norte ti delegasion dagiti iti Provincial Government ti Romblon nga indaulwan ni Governor Jose R. Riano.

Inlawlawag ni Mr. Gervy James Novales Gumarit, Head ti Communication and Media Office iti gobierno probinsial dagiti nagdududma a programa ken proyekto iti probinsia.

Dinakamatna iti benneg ti edukasion a pakaididiayaan dagiti adu nga scholarship program para kadagiti agad-adal, proyekto, infrastraktura, Agrikultura, Salun-at panangsuportar kadagiti babassit nga agpupuunan ken iti benneg ti Turismo.

Inpannakkel ni CMO Head dagiti napipintas pay a buya a makaay-ayo a pagpasiaran a nakabigbigan pay ti Ilcos Norte ti intero a lubong.

Kabayatanna, inlawlawag met ni provincial administrator Atty. Yvette Leynes dagiti dadduma pay a napipintas a programa dagiti dadduma nga opisina iti gobierno probinsial kas ti DSWD,ENRO ken dadduma pay a mabalin nga adaptaren iti LGU Romblon.

Nabara met a sinarabo ken sinangaili ni Vice Governor Cecil Araneta Marcos dagiti 24 a miembro ti deligasion iti nasao a probinsia a nakaragsakan met ni gobernador marcos manotoc iti panagbeach marking da ditoy Ilocos Norte.

Author: Rod Sadian
Source: PGIN

LEAVE A REPLY

Please enter your comment!
Please enter your name here