31.3 C
Manila
Tuesday, April 23, 2024

Batac: “Incubation Center” ti MSMEO, nakasaganan nga agserbi kadagiti kakailian

- Advertisement -

Nakasaganan ti “incubation center” nga adda iti babaen ti Micro Small and Medium Enterprise Office ti gobierno probinsial nga agserbi kadagiti babassit a negosiante ken dagiti agplanplano nga agnegosio a kakailian.

Daytoy ket kalpasan a naisayangkat ti inagurasyon ti naiyestablisar a pasilidad kagiddan ti panagpipinnirma ti gobierno probinsial nga inbagian ni Gob. Matthew Marcos Manotoc, Department of Trade and Industry wenno DTI, Department of Science and Technology wenno DOST, Mariano Marcos State University wenno MMSU ken ti Technical Education and Skills Development Authority iti Memorandum of Agreement.

Mangnamnama ti gobernador a dakkel ti maitulong ti nasao a pasilidad iti ad-adda pay a pannakapabileg dagiti babassit a negosiante ken ti iyaadu dagiti kakailian a mangirubuat iti bukudda a negosio.

Inbunannagna nga agserbi pay ti nasao a pasilidad a pagpatulungan dagiti MSME’s a mangpasayaat iti negosioda ken daytoy pay ti agbalin a “one stop shop” a pakailakoan dagiti nadumaduma a produkto dagiti MSME’s ditoy probinsia. Inlawlawagna nga iti agdama ket paspasig a sirmata ken konsepto dagiti maipatungpal iti “incubation center”.

Nupay kasta, mangnamnama ni Gob. Marcos Manotoc nga iti panaglabas ti aldaw ket in-inut a matun-uyan dagitoy a kalikagum. Segun kenkuana, iti pannakaiyestablisar ti pasilidad ket mabalin a gundawayan dagiti MSME’s dagiti serbisio dagiti nadumduma nga ahensia a kabinnulig ti gobierno probinsial.

Impalgakna a babaen iti nasao a pasilidad ket maipasigurado a “centralized” dagiti amin a kasapulan dagiti MSME’s, mabalin a mausar daytoy a pangpasayaatan dagiti MSME’s iti produktoda, mabalinda nga usaren dagiti computer, internet ken dadduma pay a mangitandudu kadagiti bukudda a produkto ken mabalin pay a mausar a pakaisayangkatan ti taripnong.

Mangnamnama ti gobernador a kalpasan a nalukatan ti pasilidad ket ad-adda pay a mapasayaat ti ipaayna a serbisio iti sumarsaruno nga aldaw. (Ronald Domingo)

(Source: Provincial Government of Ilocos Norte)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -