Inpannakkel ni Mr. Xavier Ruiz, Senior Tourism Operations Officer iti Provincial Tourism Office nga in inuten nga umad adu ti bilang dagiti turista nga um umay ditoy ilocos Norte sipud baliw a nalukatan iti industriya ti turismo ditoy probinsia banag a nakaragsakan met ni Gov. Mathew Marcos Manotoc.
Segun kenkuana, daytoy ket gapu pay laeng iti panangikarkarigatan dagiti utiridad kangrunaanna iti liderato ni Gob. Marcos Manotoc a maipababa iti kaso ti covid 19 ditoy probinsia.
Kaaduan a sumangsangpet a turista ket manipud iti National Capital Region, Cagayan, Baguio, Pampanga ken La union.
Inlawlawagna a pasyaren da dagiti nagduduma a napipintas a buya ditoy Ilocos Norte ken agtalinaed da idiay Pagudpud bayat iti panagpasiar da.
Maipalagip nga idi awan pay ti pandemic, rinibribu a local ken gangannaet a turista ti um umay ditoy Ilocos Norte kalpasan a nagbalin a Pagdidinnamagan dagiti napinpintas a buya saan laeng nga iti pagilian ngem ketdi iti intero a lubong.
(Source: Provincial Government of Ilocos Norte)