Naragsakan ni Ilocos Norte Gov. Mathew Marcos Manotoc gapu ta sabali manen a bansada ti bakuna iti naawat ti Provincial Government of Ilocos Norte babaen iti Provincial Health Office ken Provincial Department of Health.
Segun kenkuana, naawat manen ti probinsia iti 26,110 doses iti Sinovac ken 789 doses iti Pfizer itay napan a September 27.
Mainaig pay laeng daytoy iti agtultuloy a panangikarkarigatan ti probinsia babaen iti initiatibo ni Gob. Marcos Manotoc nga adu dagiti mapasangpet a bakuna tapno ad adu met laeng iti mabakunan a kaprobinsiaan..
Ikagkagumaan ni Governor Marcos Manotoc a mabakunaan ti 70% agingga iti 80 a porciento a kualipkado a residente ditoy Ilocos Norte.
Daytoy ket tapno magun od ti target a “herd Immunity” a dakdakkel a paset ti populasion ti mabakunaan iti anti covid agpapan bulan ti Disyembre iti daytoy a tawen.
Kabayatanna, maipangpangruna met a maibakuna ti Pfizer vaccines kadagiti seafarers ken OFWs a kasapulan nga insigida a mabakunaan.
Adda ti nailatang a Pfizer vaccine kadagitoy gapu ta daytoy ti kayat dagiti sumagmamano a pagilian a pagturungan dagiti overseas Filipino workers.
(Source: Provincial Government of Ilocos Norte)