28.9 C
Manila
Friday, March 29, 2024

Cebu: Baga Nga Crowd Sa Mga Supporters Sa Duha Ka Rival Nga Grupo Nila Ni Ahong Ug Radaza Atol Sa Filing Sa COC, Kontrolado Sa Kapulisan Sa Syudad

- Advertisement -

Cebu City – Gikonsidera sa labaw sa kapulisan sa syudad sa Lapu-Lapu nga ang bagang doot sa mga supporters sa duha ka rival nga partido mga nga minor challenges sa bag-o lang nga natapos nga filing of certificates of candidacy sa syudad sa 2022 national ug local elections.

Gibutyag ni Police Colonel Arnel Banzon, Lapu-Lapu City Police Office Chief nga in control sila sa sitwasyon ug na dispersed nila ang crowd gawas sa Comelec Office sa City hall compound sa dakbayan sa Lapu-Lapu.

Matod ni Banzon nga nahitabo kini kaduha na higayon, niadtong Oktubre 6 sa pag file ni Kongresista Paz Radaza (Lapu-Lapu City lone district) sa iyang COC sa pagka mayor ug pagka Oktubre 8, sa dihang mi file si incumbent Mayor Junard Chan sa iyang COC alang sa subling pagpa pili sa umaabot nga piniliay sa sunod tuig.

Gipahibaw sa opisyal nga na kontrola nila ang crowd atol sa maong mga adlaw ug wala silay dagkong problema nga nasugatan tungod kay misunod ra sab ang mga supporters sa mando sa kapulisan sa pag observe sa health protocols nga gipatuman sa syudad.

Nagkanayon si Banzon nga wala nila gi apprehend ang mga protocol violators ug gihatagan kini nila ug maximum tolerance.

Gawas niana, sigon pa ni Banzon nga ang mga supporters ni Radaza ug Chan pulos compliant ug dunay isig ka marshall nga nagbantay niini.

“Nagsugod lang katong lang Congresswoman Radaza. I think Wednesday, ni file siya. There were many supporters but we were able to control the crowd so okay ra way problema. Ganina (Biyernes), si Mayor Ahong, together with his party, ni file pod. Same, we were able to control. Wala ra (problem). Before na sila mag tapok atoa na gibadlong daan. Of course, naa silay mga martial pod nila,” matod ni Banzon.

Dugang niini nga ang ilang security preparation sa maong weeklong COC filing gihulagway niya nga effective ug ila nang gi anticipate ang baga nga crowd sa pagsugod pa lang sa filing sa COC.

Ila nang giplanong daan ug unsaon nila pag respond kung unsa man ang mahitabo.

Dali nilang gi disperse ang pundok pipila ka minuto pag abot sa mga kandidato sa Comelec Office.

Giklaro sab ni Banzon nga wa maka sulod sa buhatan sa Comelec ang mga supporters tungod kay gidid-an silang makasud sa premises.

(Source: Lapu-Lapu City Police Office, photos courtesy of Mayor Junard Chan’s Facebook page | Rep. Paz Radaza’s Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -