Inulit manen ni Gobernador Mathew Marcos Manotoc iti panangawis na kadagiti kailian nga umay agbuya iti “Tan ok ni ilocano festivals of all festivals” inton Pebrero 24.
Segun iti gobernador, maisibro ti napabaro, napalawa ken napapintas a Ferdinand E. Marcos Sports Stadium a pakaisayangkatan ti nasao nga aktibidad iti daytoy a tawen.
Mamati ti gobernador a sabsabali manen ti ipabuya dagiti 21 nga ili ken 2 a ciudad nga aglalaban manipud iti pakasaritaan ti bukod da nga ili ken ciudad Ti “Tan ok ni Ilokano festival of all Festivals” ti maibilang a kadadaegan a programa ken aktibidad ti probinsiya iti kada tawen.
Mangnamnama ti gobernador nga agbalin manen daytoy a naidumduma gapu awan iti mayat nga agpaabak kadagiti contingent’s gapu ta nabayag dan sinaganaan.
Maipalagip a ti ili a Nueva Era ti nagkampeon iti naudi a pannakaisayangkat iti “Tan ok festivals of all festivals” ti ilocos norte itay napan a tawen. (Cheena Arzadon)
(Source: Provincial Government of Ilocos Norte)